Bule Bule é unha escola que abríu as súas portas no 2012 en Ourense cidade, na Rúa Martín Códax nº3, no barrio de Mariñamansa.

Somos unha escola activa, diferente, viva, creativa, acolledora, e moi familiar. Unha escola , na que compartir experiencias e emocións, aberta ás familias e que favorece a seguridade emocional e a autoestima dos nenos e das nenas, e na que todos e todas temos o noso lugar.

Unha escola na que as crianzas son protagonistas, aprendendo dende o próximo e o familiar, a través de experiencias e sensacións. Creemos nunha infancia protagonista na construción de coñecementos e no seu desenvolvemento, en interacción horizontal cos seus iguais e cos adultos e adultas do entorno.

Baseámonos nos principios da pedagoxía libre, activa e non directiva onde os nenos e as nenas son as protagonistas, acompañando sempre nun clima de apego e proporcionándolles un entorno cheo de estímulos que fomenta o aprendizaxe a través do xogo e o desenvolvemento personalizado de cada crianza.

Potenciamos o desenvolvemento das intelixencias múltiples, a creatividade, a educación en valores e o pracer de desfrutar e xogar aprendendo.

Bule Bule é un lugar de aprendizaxe común, de investigación e reflexión entre as familias e a equipa educativa, onde temos como obxectivo principal que os nenos e as nenas sexan felices e se relacionen nun clima donde establezan vínculos de afecto e seguridade.

Outro dos obxectivos da Escola Bule Bule é ser un lugar de referencia en Ourense para o desenvolvemento integral da infancia, no que as crianzas conviven entre si, e aprenden xogando a ser autosuficientes, reflexivas, respectuosas consigo mesmas, co seu entorno e cos demais. Bule Bule é a súa segunda casa, un lugar no que son felices, mentres adquiren valores sólidos e desenvolven un pensamento que as leva a descubrir e gozar do pracer de inventar, experimentar e buscar solucións por si mesmas.